Gjatë verës është e lehtë të dehidratoheni, sidomos në kohën kur temperaturat thyejnë rekorde.

Është e rëndësishme të merrni lëng të mjaftueshëm në trup për të ndihmuar përballimin me temperaturat e larta.

Sidoqoftë, shumë prej nesh bëjnë gabime kur përpiqen të parandalojnë dehidratimin përmes konsumimit të pijeve të gabuara, transmeton KosovaPress.

Pijet energjetike

Pavarësisht nëse vraponi apo jo, të ashtuquajturat “pije sportive” mund të duken tërheqëse kur jeni të ekspozuar ndaj diellit, megjithatë duhet pasur parasysh që këto pije janë të destinuara për atletët që humbasin elektrolitet si natriumi dhe kaliumi për shkak të aktivitetit të fortë dhe të zgjatur fizik.

Sidoqoftë, kur konsumohen nga një person mesatar, ato përfshijnë marrjen e kalorive, ëmbëlsuesit artificialë dhe karbohidratet.

Lëngjet artificiale

Nëse mendoni se bëni zgjedhje të mira duke marrë lëng në vend të sodës, gaboni. Lëngjet janë të dëmshme dhe kanë një vlerë ushqyese të papërfillshme. Ato përmbajnë shumë sheqer dhe konservues, kështu që nuk mund të konsiderohen të shëndetshme. Kjo vlen edhe për lëngjet me copa frutash.

Uji me vitaminë

Uji me vitamina është jo i shëndetshëm dhe i panevojshëm. Uji sigurisht është i nevojshëm për trupin, por nëse pini një me një shtesë të vitaminës, mund ta teproni, veçanërisht nëse dieta juaj përmban mjaft vitamina. Uji me vitaminë përmban gjithashtu sheqer, sasia e të cilit madje mund të jetë e njëjtë si te soda.

Çaji i ftohtë

Çaji i ftohtë është një pije e shijshme, dhe është veçanërisht e këndshme në verë. Sidoqoftë, duhet të mbahet mend se ai  përmban sheqer, madje edhe në versionin dietë. Sidoqoftë, ekspertët pranojnë se çaji i ftohtë është alternativa më e mirë pasi të paktën është i pasur me antioksidues.

Ju gjithashtu mund të bëni një alternativë për këto pije. Është më mirë të shtoni në ujë të ftohtë limon, pjeshkë, tranguj ose kamomil.