Analisti, Nexhmedin Spahiu vlerëson se marrëveshja për të cilën u darkoduan kryeministri, Albin Kurti e presidenti, Aleksander Vuçiq para sheh njohjen e Kosovës nga Serbia.

Sipas tij plani evropian parasheh “njohje të rrastë”.

“Plani Franko – Gjerman jo vetëm që është njohje de fakto e de jure e Kosovës nga Serbia po është njohje e rrastë që nuk len as zbrazëtirën më të vogël”, ka shkruar Spahiu përcjell Insajderi.

Të hënën u pranua zyrtarisht propozimi evropian për normalizimin e marrëdhënieve Kosovë-Serbi.

Kryeministri Albin Kurti dhe presidenti i Serbisë, Aleksandar Vuçiq u pajtuan që nuk do të diskutohet më shumë për propozimet. Përfaqësuesi i Lartë i Bashkimit Evropian, Josep Borrell deklaroi se në mars pritet të finalizohet aneksi i zbatimit që është pjesë integrale e kësaj marrëveshjeje.

“Plani franko-gjerman duhet të ketë njohjen reciproke në qendër sepse vetëm asisoj e bëjmë normalizimin e plotë të raporteve ndërmjet Kosovës dhe Serbisë”. Kështu deklaronte një muaj më parë kryeministri, Albin Kurti.

Teksa fliste për marrëveshjet e arritura ndër vite me Serbinë, Kurti theksonte se Kosova nuk duhet të shoh nga e kaluara dhe sipas tij plani franko-gjerman është një bazë e mirë për të ardhmen e vendit tonë.

Ndonëse u bë e ditur se ky propozim evropian nuk e ka në qendër njohjen reciproke, Kurti pas takimit me Vuçiqin në Bruksel u shpreh i gatshëm të nënshkruante këtë propozim. Ai theksoi se pala serbe nuk kishte pranuar, shkruan Insajderi.

Sa i përket zbatimit të marrëveshjes për Asociacionin e Komunave me Shumicë Serbe që është pikë e 10 e këtij propozimi, Kurti iu shmangë pyetjeve të gazetarëve.

/GazetaInsajderi