Kryeministri shqiptar Edi Rama iu përgjigj sërish deklaratave të Sekretares së Brendshme britanike, Suella Braverman, se vendi i tyre po pushtohet nga emigrantët në shqiptar.

Përmes një postimi në “Twitter”, Rama ka shpërndarë një video të futbollistit të Chelseat, Armando Broja, si shembullin e emigrantëve shqiptarë që me punën e tyre arrijnë në majat më të larta të sportit.

“Krenar per ty Armando Broja dhe krenar për çdo shqiptar që punon shumë dhe kontribuon në MB! Turp për këdo që veçon komunitetin tonë të madh atje, duke ju kthyer të gjithëve në shënjestër të diçkaje që shqiptarët as e kanë krijuar dhe as nuk mbajnë përgjegjësi për sa keq po trajtohet”, shkruan Rama./Panorama