Ditë më parë, kryetari i Pejës që vije nga radhët LDK-së, Gazmend Muhaxheri e krahasojë kryeministrin, Albin Kurti me kasapin e Ballkanit Sllobodan Millosheviqin. Për krahasimin që bëri është pyetur numri dy i ekzekutivit, Besnik Bislimi, shkruan Insajderi.

Bislimi e ka cilësuar Muhaxhirin si një “politikan lokal i papërgjegjshëm” duke shtuar se Qeveria e Kosovës nuk bën politika për të kënaqur politikanë lokalë, duke kërkuar që të mos i kushtojnë rëndësi deklarimeve të tilla.

“Unë mendoj se në përpjekjen e tij për të luajtur politikanin e nivelit nacional ai dështoi plotësisht, sepse ai mendoi se kjo është mënyra se si bëhet opozitarizmi. Sidoqoftë ju s’duhet t’i kushton rëndësi qëndrimeve të politikanëve të tillë”, ka thënë Bislimi në intervistë për Radio Gorazhdevcin.

Theksojmë se Muhaxheri, tha se Kurti po i trajton serbët në Veri sikur Millosheviqi shqiptarët dikur.