Kontroversi Massimo Ferrero , ish-presidenti dhe pronari i shumicës së Sampdorias, ka folur hapur për kërcënimet rrëqethëse me të cilat është përballur vitet e fundit.

Pronari i klubit italian, po kalon një ferr të paparë.

Në një intervistë për “La Presse” Ferrero ka pranuar se ka frikë për jetën e tij dhe sigurinë e familjes për shkak të kërcënimeve nga ultrasit.

“Jam kundër dhunës, ju lutem mos më kërcënoni. Nuk e them këtë sepse kam frikë. Jam 70 vjeç, doni të më vrisni? Unë jam tashmë një njeri i vdekur duke ecur kur jam duke parë Smpdorian si kjo,” tha Ferrero i dëshpëruar .

Ferrero zbuloi se nuk është hera e parë që ai merr kërcënime rrëqethëse.

“Tre plumba erdhën në shtëpinë time. Dy erdhën tre vjet më parë në një zarf dhe së fundmi një tjetër. Kërcënimet tani janë drejtuar ndaj meje dhe Edoardo Garrone”, tregon Ferrero.

Ferrero mbrojti ish-presidentin e Sampdorias.

“Ai humbi shumë para, ai na dha një dorë. Unë jam i pari që them se ai nuk kishte asnjë lidhje me të dhe e falënderoj për këtë. Ai tashmë shpëtoi Sampdorian 12 vjet më parë dhe ofroi ta bënte përsëri tani. Duhet t’i themi faleminderit Garrones, të shkojmë tek ai dhe t’i themi faleminderit, sepse ai na ndihmon. Një plumb goditi mua dhe atë, kjo është e keqe, ky nuk është futboll, ky nuk është sport”, thotë Ferrero dhe shton.

“ Kam fëmijë, kam frikë të dal në rrugë ”.

Kujtojmë se Ferrero u largua nga posti i presidentit të klubit në vitin 2021 pasi u arrestua për mashtrim financiar që nuk ka lidhje me Sampdoria.

Situata në klub është katastrofike dhe italiani është gati të shesë klubin, i cili aktualisht zë vendin e 19-të në tabelën e Serisë A dhe ka më shumë se 150 milionë euro borxhe.