Projektligji për tërheqjen e 30 përqind të Trustit do të jetë sërish në rend dite të enjten në Kuvendin e Kosovës.

Deputeti i Partisë Demokratike të Kosovës, Bekim Haxhiu, në një prononcim për Gazetën Insajderi, tha se do duhet të ketë diçka pozitive, pasi që kjo është një kërkesë dhe iniciativë e qytetarëve.

“Deputetët do të duhej të reflektonin, në këtë kohë krize, dhe ta mbështesin këtë kërkesë të qytetarëve”, tha ai.

Sipas Haxhiut ka deputetë edhe nga partia e LVV-së dhe minoriteteve qe janë deklaruar pro Trustit.

“Ne kemi pasur deklarime edhe nga deputetë e Vetëvendosjes edhe minoriteteve që janë deklaruar pro”, tha Haxhiu për Insajderin.