Prokuroria Themelore në Prishtinë ka parashtruar kërkesë në Gjykatën kompetente për caktimin e masës së sigurisë ndaj shoferes e cila dyshohet se shkaktoi aksidentin e rëndë në rrugën ‘Agim Ramadani’, ku si pasojë humbi jetën 26-vjeçari.

Zëdhënësja e Prokurorisë, Laureta Ulaj, ka konfirmuar se është kërkuar masa e paraburgimit.

“Është kërkuar caktimi i masës së paraburgimit ndaj të dyshuarës”, ka thënë Ulaj.

Aksidenti me fatalitet ndodhi të hënën në rrugën “Agim Ramadani” në Prishtinë. Në këtë aksident, sipas policisë, kanë qenë të përfshirë një këmbësor dhe një automjet.