Legjenda e futbollit iranian, Ali Daei thotë se gruaja dhe vajza e tij janë penguar për t’u larguar nga Irani.

53-vjeçari, i cili ka shprehur mbështetje për protestat antiqeveritare, tha se familja e tij ishte përpjekur të fluturonte nga Teherani në Dubai, por nuk kishin arritur.

“Nuk u dha asnjë arsye pse familja ime u kthye në Teheran” – tha Ali Daei.

Protestat e fundit në Iran shkaktuan trazira dhe poashtu shkaktuan edhe vdekjen e Mahsa Aminit, 22 vjeçare. Ajo dyshohet se u vra pasi kishte bartur shaminë në “mënyrë jo të duhur”.

Më shumë se 500 protestues, duke përfshirë 69 fëmijë, janë vrarë, ndërsa mijëra të tjerë janë arrestuar, thonë aktivistët e të drejtave të njeriut. Dhjetra personel iranian të sigurisë raportohet se janë vrarë gjithashtu.

Ndryshe, Ali Daei, 53 vjeç, është një nga figurat më të famshme sportive të Iranit. Ish-kapiten i kombëtares së futbollit, ai ka shënuar 109 gola në nivel ndërkombëtar në vitet 1990 dhe fillim të viteve 2000.

Gazeta Insajderi