Disa qytetarë serbë janë mbledhur sot para kontejnerëve të policisë të vendosur në Zubin Potok.

Me këta kontejnerë policia ka improvizuar stacionin e ri policor. Të njëjtit janë vendosur dje në parcelën që është pastruar nga makineritë e rënda dhe policët e Kosovës, shkruan Kossev, përcjell Insajderi.

Parcela gjendet në afërsi të shkollës fillore “Jovan Cvijiq”, e cila ka bërë që banorët e Zubin Potokut të mblidhen.

Ata  shprehën shqetësimin e tyre se stacioni i ri do të jetë aq afër shkollës po ashtu u ankuan edhe për mungesën e diskutimit publik lidhur me rastin.