Anëtarë të Partisë Socialdemokrate kanë realizuar një aksion simbolik pranë objektit të Komisionit të Pavarur për Medie (KPM), shkruan Insajderi.

Ata shihen duke e kyçur me dry, derën e këtij objekti derisa anëtarët ndodheshin brenda duke e mbajtur mbledhjen.

“KPM sot është mbledhur me urdhër të Qeverisë. Duan ta shfrytëzojnë gjendjen e krijuar me Serbinë për të na e mbyllur gojën”, ka shkruar Rrusta nga PSD.

Reagimi i plotë i Teutë Rrustës:

Aparatçikët që duan të na e mbyllin gojën i mbyllem brenda.

KPM sot është mbledhur me urdhër të Qeverisë. Duan ta shfrytëzojnë gjendjen e krijuar me Serbinë për të na e mbyllur gojën.

Rreziku nga Serbia nuk mund ta justifikojë diktaturën brenda. Përkundrazi, liria e demokracia janë fituar me luftë. Ato nuk do të dorëzohen kurrë, për asnjë çmim.

Ndërkohë, Klan Kosova ka raportuar se Qeveria e Kosovës është duke i bërë presion drejtuesve të Komisionit të Pavarur për Medie për ta marrë një vendim të shpejtë rreth mbylljes së televizionit Klan Kosova.