Shumëkush e ka vënë re se fotografisë familjare të Krishtlindjeve të familjes Trump, në të cilën shihet ish-presidenti amerikan duke pozuar me tre fëmijët e tij, i mungon gruaja e tij, Melania.

Tani New York Post shkruan se kanë mësuar se ish-zonja e parë ishte me nënën e saj të sëmurë në spital.

Ish-modelja 53-vjeçare thuhet se ishte me nënën e saj, Amalia Knavs, kur u shkrep fotografia e shpërndarë në Instagram nga e fejuara e Donald Trump Jr., Kimberly Guilfoyle.

Fotografia tregon një Trump të buzëqeshur, 77 vjeç, me shumicën e fëmijëve të tij.

View this post on Instagram

A post shared by Kimberly Guilfoyle (@kimberlyguilfoyle)

Babai i Melanias, Viktor Knavs gjithashtu ka pozuar për portretin e familjes.

“Melania ka qenë gjithmonë shumë e përkushtuar ndaj gjithë familjes së saj”, tha një burim pranë zonjës Trump për Fox News Digital.

“Nuk duhet të jetë çudi që ajo i kaloi këto Krishtlindje me nënën e saj të sëmurë”.

Anëtarët e tjerë në fotogradfi ishin Don Jr. dhe Guilfoyle, Ivanka Trump, burri i saj Jared Kushner dhe tre fëmijët e tyre, dhe Tiffany Trump dhe burri i saj Michael Boulos.

Me ta ka pozuar edhe 17-vjeçari Barron, të cilin Donald e ka me gruan aktuale Melania.