Kryeministri Albin Kurti pas takimit që zhvilloi sot me përfaqësuesin e BE-së për dialogun Kosovë-Serbi, Miroslav Lajçak vizitoi edhe një bujk në Miresh të Gjilanit, për të mbjellat vjeshtore.

Pas kësaj vizite Kurti, beri një postim në rrjetin social Facebook, ku tha se teksa po bisedonin me bujqit, një gazetare e ndiqte arave dhe me insistim te madh po e pyeste për Lajçakun.

‘’Teksa bisedonim me bujqit, gazetarja që na ndiqte nëpër ara po më pyeste me insistim për Lajçakun. Unë e pyeta traktoristin për Lajçakun, por ai tundi kokën e i dha gaz traktorit,’’ ka thënë Kurti.

Në videon e publikuar nga ‘’RTV Dukagjini’’, gazetarja e pyet Kurtin, se çfarë biseduat me zotërinë Lajçak.

Ndërsa Kurti, shihet i befasuar më këtë pyetje duke thënë se ‘A edhe në ara të Mireshit, Lajçaku, a po kupton. Kqyre traktoristi këtu a po kupton’’. Në prapavije ministri Peci, shihet duke qeshur më këtë përgjigje të Kurtit.

Por gazetarja ia kthen se s’po kemi ku të bëjmë pyetje.