Tre persona janë arrestuar nga Policia e Kosovës, pasi të njëjtit po pengonin punimet në rrugën Prishtinë – Pejë.
Këtë për Insajderin e ka konfirmuar zëdhënësi i Policisë për rajonin e Pejës, Driton Rugova.
“Sot janë arrestuar 3 persona në Gllarevë, të njëjtit gjatë protestës kanë penguar punimet në rrugë”, tha ai.
Theksojmë se kjo nuk është hera e parë që qytetarët e tre fshatrave Rixhevë, Kijevë dhe Stapanicë janë duke protestuar për mos devijimin e kësaj rruge duke i kërkuar qeverisë që të mos ua mbyll bizneset.
/Insajderi