Zëdhënësja politike e Lidhjes Demokratike të Kosovës, Sibel Halimi ka reaguar pas rikthimit të reduktimeve me energji elektrike, qysh mëngjesin e sotëm 6 me rrym dhe 2 pa rrym sic u njoftua të dielën mbrëmë nga KEDS.
Halimi thotë seqeveria e ka ngritur flamurin e bardhë të dorëzimit.
“Partia në pushtet nuk mund të merret me krizën e energjisë elektrike e çmimeve, mbase problemet e qytetarëve nuk janë tema ‘interesante’ për përsiatjet e ligjërimet e kryeministrit!”, tha Halimi.
Postimi i plotë i Halimit:
Pushteti ngre lartë flamurin e bardhë të dorëzimit
Fillim javën e nisim me reduktime të energjisë elektrike! Në mes të gushtit, familjeve të vendit tonë për pos krizës së çmimeve të larta të produkteve esenciale për jetë; tani i shtohet edhe ngarendja për ta zënë rrymën e kryer obligimet e përditshmërisë që po i rëndohet çdo ditë e më shumë.
Partia në pushtet nuk mund të merret me krizën e energjisë elektrike e çmimeve, mbase problemet e qytetarëve nuk janë tema ‘interesante’ për përsiatjet e ligjërimet e kryeministrit!