Qeveria e Kosovës ka miratuar buxhetin për vitin 2024, shkruan Insajderi.

Kryeministri, Albin Kurti ka bërë me dije se buxheti do të jetë në vlerë prej 3 miliardë e 314 milionë euro.

Sipas Kurtit asnjë qeveri nuk ka bërë më shumë se qeverisja e tij në mbështetje me masa.

Ndërsa për nivelin komunal, kryeministri Albin Kurti tha se buxheti për komunat e Kosovës do të jetë mbi 700 milionë euro.

“Menaxhuam pandeminë, menaxhuam krizën energjetike dhe mbështetëm qytetarin për tu përballur me inflacionin dhe jo vetëm që i menaxhaum me sukses këto kriza me sukses por gjatë këtyre viteve të vështira ta rrisim ekonominë dhe të hapim vende të reja pune. U shtuan 60 mijë vende të reja të punës dhe si rezultat i masave ekonomike”, ka deklaruar ai në mbledhjen e qeverisë përcjell Insajderi.