Në kuadër të programit për rimëkëmbje Hoti ka njoftuar se janë ndarë 40 milionë euro për vaksinën anti Covid.

Kryeministri në detyrë i Kosovës, Avdullah Hoti ka njoftuar për Programin e Rimëkëmbjes, ku do të ndihmohen qytetarët, bizneset, ndërmarrjet e gastronomët për shkak që u dëmtuan në vitin 2020 si pasojë e pandemisë.

Në kuadër të këtij programi ai deklaroi se 50 milion euro do të ndahen për Shëndetësinë,  ndërsa 40 milione euro për sigurimin e vaksinës antiCovid.

Qeveria e Kosovës javën e kaluar ka njoftuar se ka arritur marrëveshje për sigurimin e vaksinës anti covid dhe se 1 milion e 220 vaksina do të fillojnë të arrijnë në Kosovë nga muaji shkurt.

Pavarësisht deklarimeve të qeverisë, nga kompania Pfizer kanë deklaruar se kanë biseduar me Qeverine e Kosoves, por se ende nuk ka marreveshje per vaksinat. Kurse Covax kishte konfirmuar se vaksinat për punëtorët shëndetësorë vijnë deri në qershor, derisa të tjerat deri në dhjetor. /Insajderi.org