Në kuadër të marrëveshjes së bashkëpunimet mes Gradës Kombëtarë të Iowa-s dhe Forcës së Sigurisë së Kosovës, ushtarët e FSK-së janë duke u stërvitur në poligonin e stërvitjes në Kampin Atterbury të shtetit të Indianës.
Njësitë janë duke zhvilluar stërvitje të përbashkëta ushtarake në poligonin e qitjes, të cilat janë publikuar përmes një video në faqen zyrtare të Gardës Kombëtare të Iowa-s.
Në këtë video përpos të shtënave, dëgjohet edhe zëri i një ushtari të FSK-së duke sharë në gjuhën shqipe, shkruan Gazeta Insajderi.
“Q*ja bre nonen”, dëgjohet ushtari në sekonden e 14 duke sharë.
Në postimin e videos në facebook thuhet se ushtarët janë duke u stërvitur në qitje në poligon.
“Kompania e Policisë Ushtarake 186 është jashtë në kampin Atterbury këtë javë duke shfrytëzuar hapësiren e poligonit për disa raunde qitjesh me armë së bashku me miqtë tanë nga Forca e Sigurisë së Kosovës”/GazetaInsajderi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
