Xhemajl Hasani, ish-kandidat për kryetar të Komunës së Podujevës nga radhët e Nismës Socialdemokrate, ka reaguar pas hulumtimit që ka publikuar Insajderi lidhur me tenderin që u dha për ndërtimin e një shkollë në Podujevë. Ky tender u dha për gjysmë milioni më shtrenjtë.
Hasani ka reaguar pas kësaj duke shprehur mllefin e tij ndaj pushtetit në Podujevë.
“Nuk u dasht mu ngute , nashta kish konkuru naj kompani me çmim edhe me ta larte… E hongren kete shtet, rahmeti ju knofte po qysh po dini deri ne kete deregje“, ka shkruar ai në “Facebook”.
Me 25 prill të vitit 2023, ishte hapur tenderi për ndërtimin e shkollës ekonomike “Isa Boletini” në Podujevë. Komuna për këtë projekt kishte vendosur vlerën e parashikuar prej 2 milionë euro.
Për këtë projekt kishin garuar nëntë kompani dhe grupe kompanish.
Gjysmë milion euro është çmimi i tejkaluar krahas vlerës së parashikuar të kontratës, të cilën komuna po synon ta lidh me një kompani për ndërtimin e shkollës.
Ani pse, kriter kryesor i dhënies së tenderit ishte “çmimi më i ulët”.
Foto e projektit të shkollës ekonomike e publikuar nga komuna e Podujevës.