Kryetari i Prishtinës, Përparim Rama, ka bërë të ditur se kanë filluar punimet për zgjerimin e rrugës “Ukshin Hoti”, e cila do të bëhet me katër korsi.
Rama ka thënë se ky projekt do të jetë për autobus, biçikleta dhe automjete, e që do të ndikoj në përmirësimin e trafikut në Prishtinë.
Postimi i plotë:
Rruga “Ukshin Hoti” në #kryeqytet shumë shpejt do të marrë pamje tjetër.
Filluam me hapat e parë në realizimin projektit për zgjerimin e kësaj rruge në katër korsi, për autobusë, bicikleta dhe automjete e cila do të ndikojë në përmirësimin e trafikut në Prishtinë.
Bashkë me drejtorët, Krenar Xh Xhaferi, Florian Dushi, Mimoza F Sylejmani, Ilirik Musliu e Doruntinë E. Maloku e pamë procesin e punës në lirimin e hapësirave publike përgjatë kësaj rruge si fazë e parë e punimeve në këtë projekt.
#prishtinapraktike