Reprezentuesi i Kosovës, Milot Rashica, ka startuar te Galatasaray që fitoi bindshëm derbin e madh ndaj Fenerbahçes. Galatasaray, që ishte mysafir, fitoi 3:0 ndaj Fenerbahçes. Ndeshja i ka takuar xhiros së 18-të të Superligës së Turqisë në futboll.

Rashica luajti deri në minutën e 70-të. Sergio Oliveira shënoi për 1:0 në minutën e 32-të.

Për 2:0 shënoi Muhammed Kerem Akturkoglu në minutën e 78-të. Në minutën e 100-të rezultatin përfundimtar e vendosi Mauro Icardi.

Irfan Kahveci i Fenerbahçes u përjashtua me të kuq në minutën e 86-të. Galatasaray është lider me 39 pikë. Fenerbahçe është e dyta me 35 pikë.