Sot, Gjykata Speciale në Hagë dënoi komandantin e UÇK-së, Salih Mustafën me 26 vjet burgim. Vendim ky që nxiti reagime të shumta.

Ish-komandanti i Zonës Operative të Llapit, Rrustem Mustafa–Remi, nën të cilën komandë funksiononte Njësiti “BIA” i Ushtrisë Çlirimtare të Kosovës, ka deklaruar se ka mbetur pa fjalë pas vendimit të sotëm të dënimit me burgim të Salih Mustafës-Calit nga ana e Gjykatës Speciale.

Në llogarinë e tij në Facebook, Remi ka postuar një fotografi të tashmë të dënuarit, me mbishkrimin “Lufta e UÇK-së ishte e drejtë, e pashmangshme dhe e domosdoshme“.

Ai po ashtu shtoi se Calin e njohim si luftëtar të drejt, të vendosur dhe të pakompromis me të keqen.