Real Madrid ka arritur fitore me përmbysje ndaj Real Sociedad.

Të besuarit e Ancelottit e panë veten në disavantzh pas vetëm 5 minutash lojë, pasi Sociedad shënoi me anë të Barrenetxea.

’Los Blancos’ kishin raste për të shënuar në pjesën e parë, pot pa arritur të konkretizojnë ato. Me rezultatin 0-1 u mbyll 45 minutëshi i parë.

Real Madrid e filloi furishëm pjesën e dytë, kur Fede Valverde shënoi një eurogol në minutën e 46’të, për të barazuar rezultatin në 1-1.

Sulmuesi spanjoll i transferuar këtë verë te madrilienët, Joselu shënoi në minutë e 60’të për epilogun përfundimtar të ndeshjes, 2-1.

Me këtë fitore, Real Madrid vazhdon ecurinë 100% në kampionat, ku pas 5 ndeshjeve ka grumbulluar 15 pikë dhe pozicionohet në vendin e parë.