Gjykata Themelore e Pejës ka caktuar masën e paraburgimit prej 30 ditësh ndaj ngasësit të veturës që përplasi rëndë dy fëmijët të dielën në Pejë, shkruan Insajderi.

Gjatë ditës Prokuroria Themelore e Pejës ka bërë kërkesë për caktimin e masës së paraburgimit ndaj të dyshuarit.

“Është dorëzuar kërkesa për caktimin e masës së paraburgimit ndaj të pandehurit. I njëjti ka qenë nën ndikimin e alkoolit dhe është recidivist i disa veprave penale”, kishte konfirmuar Nikçi.

Njëri nga të miturit e aksidentuar po trajtohet në Qendrën Klinike Universitare të Kosovës, kurse tjetri në Spitalin e Pejës.

Insajderi ka raportuar gjatë ditës lidhur me rastin.

Detaje ekskluzive – Insajderi sjell në kronikën e realizuar nga gazetarja, Donjeta Islami.