Kuvendi Komunal i Prishtinës ka miratuar sot propozimin për falje të tatimit në pronë në vlerë 75 euro.
Pas kësaj ka reaguar, asamblisti në Kuvendin e Prishtines, Leutrim Retkoceri, ai tha se grupi i PDK-së ka mbrojtur interesat e qytetarëve.
“Grupi i PDK-së mbrojti interesin publik të qytetarëve të Prishtinës duke liruar 75€ të vlerës së tatimit për pronat, banesat dhe shtëpitë e qytetarëve të Kryeqytetit. Qytetarëve të Prishtinës propozuesi nuk po ua fal 100 euro, por po ia kthen pjesërisht hakun nga rritja e tatimit në pronë që i ka caktuar partia e majtë në pushtetin nacional. Kurthin e ngritur nga ta nuk do ta lejojmë ta aktivizojnë për të fajësuar të tjerët. Sot, PDK votoi për të hequr barrën e rëndë që ju është vënë qytetarëve. Ne votuam për të liruar dhe kursyer qytetarët nga rritja e padrejtë e tatimit në pronat e tyre”, shkroi ai.