“The Sun” ka raportuar se Mason Greenwood ka frikë se ai ka humbur çdo mundësi për një fillim të ri në Arabinë Saudite, pasi më herët ka fyer ish-bashkëlojtarin e tij në Manchester United, Cristiano Ronaldo.
Komenti i tij i keq erdhi në mars, dy muaj pasi Ronaldo, 38 vjeç, nënshkroi për Al-Nassr, një kontratë dyvjeçare prej 500 milionë eurosh. Sipas mediave angleze, portugezi ka qenë i tërbuar kur ka dëgjuar ato fjalë.
“Ai ishte vërtet i mërzitur nga ajo që tha Greenwood, por ai ka arsye të mira për të qenë zotëri, duke pasur parasysh atë që ka arritur në karrierën e tij dhe ku është Greenwood”, tha një burim për “The Sun”.
Al-Nassr tregoi interes për Greenwood, por është raportuar se Cristiano Ronaldo e ka bllokuar transferimin e tij. Portugezi nuk do të luajë me të në të njëjtën skuadër me atë që e quajti karrierën e tij “të vdekur”.