Disfata në derbin e javës dhe humbja e pozitës së parë me Al Nassr në Superligën e Arabisë Saudite nuk i pëlqeu aspak Cristiano Ronaldos.
Ylli portugez i futbollit u paraqit për 90 minuta në humbjen 1:0 të Al Nassr në udhëtim te Al Ittihad.
Ai kishte disa goditje në portë, por nuk mundi të kalonte portierin e Al Ittihad, Marcelo Grohe.
38-vjeçari nuk ishte aspak një njeri i lumtur pas “bilbilit” të fundit të gjyqtarit kryesor.
Pasi duartrokiti tifozët e skuadrës, një nga shokët e skuadrës së Ronaldos i afrohet dhe i tha disa fjalë.
Sulmuesi portugez ishte dukshëm jo i lumtur teksa goditi disa shishe gjatë largimit drejt dhomave të zhveshjes.
Me këtë humbje, Al Nassr bie në pozitën e dytë me 46 pikë, një më pak tani se Al Ittihad që fitoi dhe u bë lider.