Dy persona në Kllokot janë arrestuar pasi që të njëjti kanë sulmuar fizikisht viktimën, të cilës i kanë shkaktuar lëndime trupore. E njëjta ka pranuar tretman mjekësor për shkak të plagëve të marra.

Kështu është njoftuar nga Policia e Kosovës, ku është shtuar se të dyshuarit janë dërguar në mbajtje.

“DHUNË NË FAMILJE & LËNDIM I LEHTË TRUPOR – Kllokot 21.08.2023 – 12:30. Janë arrestuar dy të dyshuar meshkuj kosovarë pasi të njëjtit kishin sulmuar fizikisht viktimën femër kosovare. Si pasojë e dhunës viktima është dërguar për tretman mjekësor. Dy të dyshuarit me vendim të prokurorit janë dërguar në mbajtje për 48 orë”, ka bërë të ditur PK’ja.