Ditën e djeshme, dy sportistë shtetas të huaj janë arrestuar nga Policia e Kosovës.

Njëri prej tyre futbollist i klubit të Prishtinës me prejardhje nga Nigeria, Otto John dhe tjetri basketbollist i klubit të Rahovecit, Makol Maëien, shkruan Insajderi.

Sulmuesi i FC Prishtinës, Otto John, i cili dyshohet për veprën “trafikim me qenie njerëzore dhe shërbime seksuale të viktimës së trafikuar” është arrestuar nga Policia e Kosovës dhe është dërguar edhe në mbajtje, ku tashmë është bërë e ditur që Prokuroria ka bërë kërkesë për paraburgim.

John që është pjesë e Prishtinës tash e një kohë të gjatë, nëse shpallet fajtor rrezikon një dënim të rëndë. Sipas Kodit Penal të Republikës së Kosovës dënimet për vepra të tilla parashihen nga 5-12 vjet burg.

Teka, ditën e djeshme u arrestua edhe absketbollisti amerikan i Rahovecit, Mawien, i cili dje sulmoi disa qytetarë të Komunës së Prishtinës.

Lidhur me këtë rast, zëdhensja e Policisë, Flora Ahmeti, për Insajderin e konfirmoi se Mawien është liruar me procedurë të rregullt.