Napoli vazhdon me fitore në Serie A, duke e mposhtur Sampdorian në udhëtim me rezultat 0:4. Me këtë fitore skuadra napolitane rikthehet lidere me 15 pikë, shkruan Insporti.com.

Napoli pas kësaj fitore mban bilancin prej pesë ndeshjeve, pesë fitore, duke qenë skuadra e vetme në këtë sezon që deri më tani nuk ka humbje apo barazim.

Në këtë ndeshje, kapiteni I Përfaqësueses së Kosovës, Amir Rrahmani zhvilloi 47 minuta, por pësoi një lëndim në kokë në fillim të pjesës së dytë duke u larguar nga ndeshja.

Golat e fitores për skuadrën e Luciano Spalletit i shënuan Victor Osimhen (2x), Fabian Ruiz dhe Piotr Zielinski. /Insporti.com/