Menaxhmenti i RTK’së duket se është i zënë në betejën e tyre kundër Adelina Ismajlit.
E penalizuan dhe bënë përpjekje që në publik ta portretizojnë si person të përfshirë në shkelje të etikës profesionale.
Por, të njëjtin standard shefat e RTK’së nuk e aplikuan ndaj zëvëndës drejtorit të transmetuesit publik, Adi Krastës.
Askush nga bordi e askush nga menaxhmenti nuk e kanë komentuar.
Nuk kanë dërguar asnjë njoftim zyrtar për ndonjë masë ndëshkuese ndaj zëvëndës drejtorit.
Pse skandali i Krastës meriton ndëshkim?
Veprimi i Krastës ka shokuar njerëzit normal në Kosovë. I ka lënë pa fjalë.
Një gazetar me përvojë të gjatë dhe me pozitë të lartë në transmetuesin publik të Kosovës, drejton dorën e tij drejt gjoksit të këngëtarës së famshme Arilena Ara. Mes gjinjve të saj futë një stilopas.
Krejt kjo ndodhi në një emision televiziv.
Një veprim i tillë perverç përben ngacmim e sulm seksual ndaj një gruaje.
Kushdo që e ka parë atë natë këtë veprim të Krastës mbeti i shokuar.
Një valë masive e postuan në rrjete sociale.
Reaguesit kërkuan ndëshkim e Krastës. Deri më tash nuk është njoftuar për ndonjë masë ndëshkuese.
Nuk ka pasur madje as kërkim falje nga Krasta.