Radiotelevizioni Publik i Kosovës (RTK) mbrëmë ka ‘arritur’ ta transmetojë drejtpërdrejt festën e koalicionit PDK-AAK-NISMA, kurse nuk ka ‘arritur’ ta transmetojë atë të Lëvizjes Vetëvendosje.

Koalicioni i ‘Krahut të luftës’, siç po quhet koalicioni PDK-AAK-NISMA, festonte fitoren në sheshin “Skënderbeu” në Prishtinë, kurse Vetëvendosje po e mbante festën jo shumë larg prej aty, në sheshin ‘Zahir Pajaziti.

RTK-ja, si televizion publik, festën e koalicionit të ‘Krahut të luftës’ nisi ta transmetonte drejtpërdrejt ende pa filluar, madje edhe në kohën sa simpatizantët po mblidheshin në sheshin ku do të festohej.

Kurse për festën e Vetëvendosjes televizioni publik nuk arriti të gjejë kohë për transmetim të drejtpërdrejt.

Madje për çudi, kandidatët për kryeministër nga këto dy parti, Ramush Haradinaj dhe Albin Kurti, nuk kanë folur në të njëjtën kohë.

Pasi Kurti e kishte përfunduar fjalimin e tij si kandidat për kryeministër, më pas kishte folur Ramush Haradinaj në të njëjtën cilësi, normalisht secili në mitingun e vet./Insajderi.com