28 nëntori i 1912-tës solli Pavaësinë e Shqipërisë, pas 500 vjetësh pushtimi nga Perandoria Osmane.

Kjo ngjarje shënoi kthesë historike për shqiptarët, të cilët mijëra nga ta vuajtën, u sakrifikuan dhe dhanë jetën për liri.

I gjithë ky përkushtim për atdhedashurinë, u reflektua edhe në pagëzimin e emrave.

Shumë prindër edhe në Kosovë duke ëndrruar me shekuj lirinë, ua lanë fëmijëve të tyre emrat si: Flamur, Nëntor, Shqiptar, Pavarësie, Vlora etj

Sipas Agjencisë së Statistikave të Kosovës janë 4310 persona që e kanë emrin Flamur.

ASK bën me dije se emrin Nëntor e kanë 73 persona.

Tutje sipas kësaj agjencie janë 55 persona që e bartin emrin Shqiptar.

Gjithashtu nga të dhënat thuhet se edhe 7 vajza/gra e kanë emrin Pavarësi.

E derisa emri më i popullarizuar tek femrat që lidhet me mëvetësinë e Shqipërisë, është Vlora.

Sipas ASK, janë 5565 vajza/gra që thirren me këtë emër.

Aty ndodhi edhe akti i shpalljes së Pavarësisë nga Kuvendi Kombëtar.

Edhe një emër që është mjaft i dëgjuar është ai Ismail, i cili lidhet edhe me figurën kryesore të shpalljes së Pavarësisë së Shqipërisë, Ismail Qemalin, i cili ishte edhe kryeministri i parë.

Në Kosovë janë 3800 qytetarë që e kanë këtë emër.