Më 2 prill është paralajmruar të mbahet marshi i organizuar nga “Liria ka emër”, ku do të kërkohet drejtësi për ish-krerët e UÇK-së që gjenden në Hagë.

Në lidhje me këtë organizim sot ka reaguar edhe nënkryetarja e Prishtinës, Donjeta Sahatçiu, e cila ka bërë thirrje për pjesëmarrje.

“Sot ne mund të përkushtohemi të ndërtojmë të ardhmen e vendit tonë falë luftës së UÇK-së për liri. Historia përveç se nuk përsëritet, kurrsesi nuk tjetërsohet. Bashkoju marshit paqësor për vendin tënd e për gjeneratat e reja që duhet të kujtojnë guximin e drejtë të plot burrave e grave për atdhedashuri”, ka shkruajtur Sahatçiu në Facebook./Insajderi