Ministri në detyrë i Drejtësisë, njëherësh kandidati për deputet nga AAK-ja, Selim Selimi, tha se e vërteta e Kosovës duhet t’i bëjë jehonë në botë të drejtës sonë.

Ai u shpreh se do t’i ndjekë dhe do t’i gjykojë ata kriminelë që sot shëtisin të lirë në Serbi.

“Gjatë mandatit tim kujdes të vecantë u kemi kushtuar të pagjeturve dhe viktimave të luftës. Dhimbja e tyre duhet të jetë agu dhe muzgu ynë. Gjatë këtij mandati, ne kemi themeluar Insititutin për Hulumtimin e Krimeve të Luftës i cili do të jetë një adresë e memories sonë kolektive. Kosova nuk do të harrojë kurrë. Ne kemi hapur edhe “Këndin e kurajos”, ku kemi paraqitur të gjitha punët që i kanë bërë viktimat e dhunës seksuale gjatë luftës që t’u ndihmojnë atyre që të kthehen në jetë.

Ne kemi bërë edhe hapjen e ekspozitës “Rrugëtimi drejtë lirisë”, të fotografit Alban Bujari…Kemi bërë disa ndryshimë legjistalive, për të mundësuar prurjen e drejtësisë në Kosovë. Kemi amendamentuar Ligjin e procedurës penale, në të cilin kemi mundësuar ndjekjen dhe gjykimin në mungesë. Gjë, që do t’i ndjekë dhe do t’i gjykojë ata kriminelë që sot shëtisin të lirë në Serbi”.