Maroku ka shkaktuar senzacion, është kualifikuar në gjysmëfinale të Kampionatit Botëror në futboll.

Kur ka filluar Kampionati Botëror, askush nuk e ka marrë seriozisht Marokun, që tani po mahnit gjithë botën me lojëra dhe rezultate fantastike, sonte e mposhti me rezultat 1:0 Portugalinë, duke e dërguar në shtëpi. 

Kampioni olimpik në vitin 1984 dhe nënkampioni olimpik në vitin 1988, Shaban Tërstena, ish mundës i mirënjohur, thotë se marokenët treguan se si luftohet në fushë.  

“Historia po shkruhet për herë të parë për popullin e Marokut.

Një super urime për lojtarët marokenë, bravo, me të vërtet jeni hero. Keni bërë krenar popullin tuaj, keni luajtur me zemër në fushë, i treguat botës se si luftohet dhe si vdisni për skuadrën marokene.

Bravo, gjithë ky sukses që keni arritur, e keni bërë me disiplinë, me shumë  sakrificë, duke derdhur shumë djersë, sot për të shkruar një sukses historik për këtë kombëtare Marokene, që arriti të eliminoi Portugalinë.

Bravo, suksese deri në finalen e madhe”, ka shkruar Tërstena në profilin e tij në facebook.