Shefi i OSBE’së në Kosovë, Michael Davenport, ka reaguar pas vendimit të Kurtit për Manastirin e Deçanit.

Davenport  e ka mirëpritur vendimin duke thënë se zbatimi do të ruajë respektin për sundimin e ligjit.

“E mirëpres vendimin e sotëm të qeverisë për të udhëzuar Agjencinë Kadastrale që të zbatojë vendimin e Gjykatës Kushtetuese të vitit 2016 në lidhje me 24 hektarë tokë duke regjistruar pronësinë e manastirit të Visoki Deçanit, siç kërkohet. Zbatimi do të ruajë respektin për sundimin e ligjit”, ka shkruar Davenport në platformën “X”.