Situata te Napoli nuk është aspak e qetë pas sherrit që ka plasur mes sulmuesit nigerian Viktor Osimhen dhe klubit e në veçanti me trajnerin Rudi Garcia. Sipas “Talk Sport”, sulmuesi 24-vjeçar po mediton largimin nga kampionët e Serie A.

Nga kjo situatë e krijuar synon të përfitojë Chelsea, që e admiron golashënuesin, të cilin ëhstë gati ta sjellë në Premier League. Në fakt janë disa ekipe “big” në Angli që synojnë Osimhen, por blutë e Londrës janë ata që po lëvizin më shumë.

Osimhen ka ende edhe dy vite kontratë me Napoli, por duke parë situatën e krijuar aim und të largohet që në janar. Fillimisht në formë huazimi e më pas me të drejtë blerje. Te Chelsea po monitorojnë situatën dhe kanë nisur kontaktet e para me menaxherin e lojtarit.

Për Osimhen duhen mbi 150 milionë euro, shumë që ka kërkuar presidenti i Napolit, De Laurentiis. Gjithsesi, ditët në vijim do të jenë vendimtare për të ardhmen e nigerianit, që duket se është pranë largimit nga Napoli.