Anëtari i Kryesisë së Lëvizjes Vetëvendosje Elvis Hoxha është deklaruar lidhur me situatën e shkaktuar në Veri të vendit, përkatësisht sanksionin e dhënë nga SHBA kundrejt Kosovës, shkruan Insajderi.

Hoxha ka bërë një krahasim mes Kosovës e Serbisë. Ai ka thënë se Kosovës i është shqiptuar vetëm një sanksion ndërkohë që sipas tij Serbia nuk pyet për këto sanksione.

‘’Serbët nuk e di sa sanksione kanë marrë dhe nuk pyesin, neve një sanksion na e bëjnë dhe ne dridhemi, izolohemi nga bota’’, tha ai në rtv21.

Duke komentuar situatën e krijuar në veri të Kosovës që nga dita e premte, si dhe reagimet e shumta nga ndërkombëtarët, Hoxha tha se historia vazhdon, teksa shtoi se një sanksion nuk është fundi i historisë.

‘’Historia vazhdon, Kosova ka kaluar nëpër historinë botërore të vetën, ka kaluar ndarje territoresh nga fuqitë e madhja’’, tha ndër tjera Hoxha.