Janë arrestuar katër meshkuj pasi dyshohet se pas një aksidenti trafiku kanë sulmuar fizikisht një shtetas të Maqedonisë së Veriut, i cili kishte shkaktuar aksidentin dhe është larguar nga vendi i ngjarjes

Prej të dyshuarëve, tre janë kosovarë dhe një është shtetas i Maqedonisë së Veriut.

Siç njofton Policia e Kosovës, i dyshuari i sulmuar ka pësuar lëndime dhe është dërguar për tretman mjekësor.

Me vendim të prokurorit të  dyshuarit janë dërguar në mbajtje për 48 orë.

Njoftimi i policisë nga raporti 24 orësh:

LËNDIM I RËNDË TRUPOR

Ferizaj 06.11.2022 – 17:40. Janë arrestuar katër të dyshuar meshkuj tre prej tyre kosovarë dhe një shtetas i maqedonisë së veriut, pasi që dyshohet se për shkak të një aksident trafiku që ka ndodhur në mes tyre, të dyshuarit kosovarë e kanë sulmuar fizikisht të dyshuarin shtetas të RMV-së, i cili kishte shkaktuar aksidentin dhe është larguar nga vendi i ngjarjes. I dyshuari i sulmuar ka pësuar lëndime dhe është dërguar për tretman mjekësor. Me vendim të prokurorit të  dyshuarit janë dërguar në mbajtje për 48 orë.