Studiuesit thonë se ata planifikojnë të provojnë zbulimin e tyre te njerëzit në vjeshtë pas testeve laboratorike mbi minj.

Shkencëtarët injektuan kafshët me virusin dhe zbuluan se ata ishin në gjendje të prodhojnë antitrupa të cilat mund të bllokojnë virusin nga infektimi i qelizave njerëzore, transmeton lajmi.net.

Luigi Aurisicchio, shefi ekzekutiv i Takis Biotech i cili qëndron prapa vaksinës, tha: “Me sa dimë ne jemi të parët në botë deri më tani që kemi demonstruar një neutralizim të koronavirusit nga një vaksinë”.

Studiuesit italianë krahasuan një dozë të vetme prej pesë kandidatësh të ndryshëm për vaksina tek minjtë në Spitalin Spallanzani në Romë. Të gjitha vaksinat ishin të bazuara në ADN, të cilat përfshijnë injektimin e një sasie të vogël të kodit gjenetik të klonuar nga virusi në trup.

Kjo metodë do të thotë që doza nuk është e përbërë nga një virus i dobësuar ose i çaktivizuar, kështu që mund të prodhohet në një shkallë masive në laborator, pa pasur nevojë për mostra të freskëta.

Ajo funksionon në një mënyrë të ngjashme në qoftë se marrësi ishte i infektuar me virusin e vërtetë pasi shkakton një përgjigje imune, mekanizmi mbrojtës i trupit të vet, transmeton lajmi.net.

Studiuesit zbuluan se secili kandidat për vaksina prodhoi një “reagim të fortë antitrupi” kundër virusit në 14 ditë. Por dy me rezultatet më të mira u zgjodhën si ato që do të përdorin për një studim klinik të ardhshëm, sipas ekipit, shkruan The Sun. Antitrupat u morën më pas nga gjaku i minjve dhe u shtuan qelizave njerëzore, të cilat u rritën në një enë petri.

Shkencëtarët thanë që ata ishin në gjendje të luftojnë infeksionin dhe të parandalojnë me sukses SARS-CoV-2 – virusi që shkakton Covid-19 – të lidhet dhe të infektojë qelizat njerëzore.

Por ekspertët e sëmundjes infektive thonë se ndërsa gjetjet e ekipit, të cilat nuk janë vënë në dispozicion të publikut janë premtuese, ata kanë një “rrugë të gjatë për të vazhduar”.

Por Dr Andrew Preston, i cili specializohet në patogjenezën mikrobike dhe vaksinat në University of Bath, tha: “Duket se ata kanë marrë antitrupa nga minj, kanë shkuar në laborator, kanë rritur qelizat njerëzore në enë, kanë shtuar virusin me dhe pa antitrupat dhe ajo që pretendojnë është se antitrupat ndaluan virusin të infektonte qelizat njerëzore”.

Ai shtoi se skuadra italiane kishte testuar një përgjigje imune, dhe jo vetë vaksinën.