Shkupi do ta luajë sonte ndeshjen më të rëndësishme të vitit.

Klubi shqiptar nga Maqedonia e Veriut do ta ketë përballë vetes gjigantin kroat, Dinamo Zagreb.

Kjo ndeshje është e vlefshme për rundin e dytë eliminator në Ligën e Kampionëve.

Ndeshja e parë në kryeqytetin kroat u mbyll në paqe 2:2.

Kurse, sonte, kampioni i Maqedonisë së Veriut synon ta shkruajë historinë dhe të kualifikohet tutje në rundin e tretë.

Kjo ndeshje zhvillohet nga ora 21:00 në stadiumin “Toshe Proeski” në Shkup.

Ndryshe, Shkupi është klubi i vetëm shqiptar që ka mbetur në Ligën e Kampionëve për këtë vit pas eliminimit të Tiranës dhe Ballkanit.