Një vetaksident ka ndodhur sot në Suharekë, ku vetura ka goditur objektin e një barnatoreje.

Kështu ka konfirmuar për Gazetën Insajderi, Zëdhënësi i Policisë për rajonin e Prizrenit, Shaqir Bytyqi, i cili tha se një person është lënduar.

“Sot me datë 26.02.2024 , rreth orës 14:40 është raportuar për një vetaksident trafiku në rrugën Brigada 123 në Suharekë. Një automjet gjatë lëvizjes, pasi që ngasësi ka humbur kontrollin mbi automjetin e tij, automjet për pasagjere ka goditur një barnatore. Si pasoje e aksidentit një person është lënduar (pasagjere) në automjet si dhe janë shkaktuar dëme materiale”,tha ai.

Një media lokale ka publikuar pamje të veturës që është futur brenda barnatores.