Kryediplomatja Donika Gërvalla në vazhdën e përpjekjeve për të mbajtur fshehur shpenzimet e derivateve për Prindon Sadriun, sot deklaroi se nuk i kanë ofruar Gazetës Insajderi këto fatura me arsytimin se nuk mund t`i ndajnë veç e veç, se janë shpenzime të gjithë misionit. Por Ministria e Punëve të Jashtme para një viti, i pati ofruar Insajderit shpenzimet për derivate për ish-ministren Meliza Haradinaj dhe kabinetit të saj, të ndara. Madje përveç derivateve pati ofruar edhe faturat e shpenzimeve tjera për paga, meditje, dreka darka e shpenzime telefoni

Katër ditë pasi që Agjencia për Informim dhe Privatësi e gjobiti për herë të dytë Ministrinë e Punëve të Jashtme të Kosovës me 13 mijë euro, lidhur me refuzimin për t`i ofruar Gazetës Insajderi faturat e shpenzimeve për derivate të Prindon Sadriut, u deklarua kryediplomatja Donika Gërvalla.

Dha një arsyetim banal pse po i fsheh shpenzimet e Prindon Sadriut, diplomat në MPJ e bashkëshort i Presidentes Vjosa Osmani.

Gërvalla tha se Ministria e Punëve të Jashtme nuk mund t`i ndaj shpenzimet veç e veç.

“Shpenzimet e misioneve i ka si shpenzime të misioneve, nuk janë të ndara individualisht. Nuk kemi kapacitetin sa i përket personelit momentalisht, prandaj edhe reforma në këtë institucion është edhe më e nevojshme. Shpenzimet nuk mund t’i ndajmë veç e veç”, tha ajo.

Por, Ministria e Punëve të Jashtme, para një viti, siç edhe obligohet me Ligjin për Qasje në Dokumente Publike i kishte ofruar Gazetës Insajderi, shpenzime për derivate për zyrtarët që ka kërkuar.

Ky insitucion në majt të vitit të kaluar i lejoi qasje Gazeta Insajderi, në faturat e shpenzimeve për derivate jo vetëm për një person, por për të gjithë kabinetin e ministres në atë kohë Meliza Haradinaj-Stublla.

Shpenzimet nuk i ofroi të tërësishmë por veç e veç për secilin zyrat, për secilin muaj sa ka shpenzuar.

Ministria e Punëve të Jashtme që në atëkohë ofroi edhe shpenzimet tjera përveç derivate siç edhe i kishte kërkuar Insajderi.

Specifikisht tregoi, se sa kanë shpenzuar Meliza Haradinaj-Stublla, Teuta Shahatqija, Muhamet Brajshori, Bekim Brestovci e Aldisa Morina edhe për paga, medite, dreka darka e shpenzime telefoni.

Ndërsa për diplomatin Prindon Saditu jo vetëm që nuk i ofruan ato brenda afatit ligjore 7-14 ditor sic është e paraparë, por as pas katër muajve që nga parashtrimi i kërkesës.

Për refuzimin e dhënies së këtyre faturave madje Ministria që drjtohet nga Donika Gërvalla, u dënua me 13 mijë euro nga Agjensia për Informim dhe Privatësi. AIP fillimisht i kishte dhënë 7 ditë afat kohë MPJ-së t`ia ofronte dokumentet Insajderi, por kur nuk u përgjigj e dënoi me 3 mijë euro. Pasi as pas gjobës së parë nuk u zmbrapsën në fshehjen e këtyre shpenzimeve AIP e dënoi edhe më gjobën e dytë prej 10 mijë eurove.

Arsyetimi banal i kryediplomates Gërvalla pse i fshehën shpenzimet e Prindon Sadriut pic.twitter.com/BEwjcbKv9J

— Gazeta Insajderi (@GazetaInsajderi) July 26, 2022

Në total MPJ u dënua me 13 mijë euro të cilat është e obliguar t`i paguaj brenda 30 ditësh.

Prindon Sadriu, bashkëshorti i Prsidentes Vjosa Osmani, që e mbante pozitën e zëvendësshefit të misionit diplomatik në Shkup, më 2 mars të viti 2020, kishe kërkuar nga Ambasadori i Kosovës në atëkohë Gjergj Dedajt, që t’ia ofronte mundësinë e shfrytëzimit të karburantit përmes procedurave të ambasadës.

Në kërkesë e specifikonte se dëshironte shfrytëzimin e karburanteve nga shteti deri në gjetjen e një banese për akomodim, siç thoshte ai deri në përmbylljen e procedurave të akomodimit, sipas specifikave familjare, por edhe të sigurisë.

Kjo kërkesëe tij, ishte aprovuar nga Zyra e Sekretarit të Përgjithshëm të MPJ-së me 2 mars 2022.

Mirëpo asnjëherë publikisht Sadriu nuk tregoi se a gjeti banesë dhe sa gjatë Ministria e Punëve të Jashtme i ka paguar atij për karburante.

Lidhur me këtë çështje, Gazeta Insajderi me 15 shkurt të këtij viti, kishte bërë kërkesë zyrtare për qasje në dokumentet publike, në Ministrinë e Punëve të Jashtme të Kosovës, duke kërkuar faturat e shpenzimeve të diplomatit Prindon Sadriu për karburante.

Pavarësisht që është e obliguar me ligj që të ofroj dokumentet, Ministria e Punëve të Jashtme që drejtohet nga Donika Gërvalla, nuk i ka ofruar këto fatura për Insajderin. /Gazeta Insajderi