Vullkani më aktiv i Amerikës Qendrore, pranë kryeqytetit të Guatemalës ka shpërthyer duke nxjerrë një re masive hiri. 

Qendra e fatkeqësive Conred të Guatemalës tha se vullkani i quajtur Fuego, në spanjisht për “zjarr”, ka çliruar një përzierje gazi, hiri dhe shkëmbi me temperaturë të lartë të cilët zbresin me shpejtësi të madhe në krahët e kompleksit vullkanik.

Kjo, nga ana tjetër, po shkaktonte rënie të bollshme të hirit në ferma dhe fshatra në perëndim dhe jugperëndim të vullkanit — deri në 50 kilometra (21.7 milje), shkruajnë mediat e huaja.

Kolona e hirit e hedhur nga Fuego u shtri në më shumë se 6000 metra (rreth 19000 këmbë) mbi nivelin e detit. Conred tha se mund të pasojnë shpërthime të tjera dhe paralajmëroi se me reshjet e parashikuara, mund të formohen rrëshqitje dheu.

Ai këshilloi njerëzit që jetojnë në zonat e prekura që të ndjekin me kujdes çdo udhëzim nga autoritetet dhe u bëri thirrje vendasve dhe turistëve të shmangin një zonë të kufizuar prej 7 kilometrash rreth vullkanit.