Gjithçka gati nga Kishinievi, aty ku Shqipëria luan me vendasit e Moldavisë. Një ndeshje e rëndësisë së veçantë për kuqezinjtë duke qenë se një pikë iu mjafton të besuarve të trajnerit Sylvinho për t’u kualifikuar në Evropianin e vitit 2024, që zhvillohet verën e ardhshme në Gjermani.

Siç raporton “SuperSport”, atmosfera në stadium ndjehet sikur Shqipëria luan në shtëpi me tifozët që janë tejet entuziastë.

Një bonus i madh ky me tifozët shqiptarë që nuk mungojnë asnjëherë kur thërriten në apel për kombëtaren me shpresën që kuqezinjtë ta mbyllin që sot çështjen e kualifikimit.