Ish – presidentja, Atifete Jahjaga kishte shpallur Heroin e Kombit me mbiemër gabim. Bëhet fjalë për policin, Enver Zymeri i cili u shpall hero pas vrasjes së tij nga kriminelët serb në Veri të vendit në vitin 2011.

Pothuajse në të gjitha rastet mbiemri i tij qenka shkruar gabim. Duke u nisur nga njoftimi zyrtar i shpalljes së tij si hero i Kosovës me mbiemrin “Zymberi” kur në realitet e kishte “Zymeri”.

Emri i tij është shkruar i saktë në kampin e njësisë speciale të Policisë së Kosovës në Belvedere i cili ka marrë emrin “Enver Zymeri”.

Një gabim të tillë e ka bërë edhe kryeministri i Kosovës, Albin Kurti ku në postimet e tij ka përdorur mbiemrin “Zymberi”.

Hutinë rreth mbiemrit të policit e ka rritur edhe më shumë fakti që në varrin e tij është shkruar “Enver Zymberi”.