Që nga 8 dhjetori kur Gjykata Themelore në Prishtinë urdhëroi Fakultetin e Inxhinierisë Mekanike të realizojë një super-ekspertizë në rastin kur ministrja Rozeta Hajdari dyshohet se goditi me veturë një fëmijë, nuk është mbajtur asnjë seancë lidhur me këtë rast.

Nëse ky rast vazhdon të zvarritet, kjo lëndë rrezikon të parashkruhet, çka nënkupton se ministrja nuk do të dënohej fare për këtë rast.

Avokati i familjes së 9-vjeçares, Florim Shefqeti ka thënë për Insajderin se ka dërguar tri urgjenca për të vazhduar procesin.

Sipas tij nëse procesi nuk përfundon dhe lënda parashkruhet mund të ndikojë në besimin e qytetarëve te drejtësia e Kosovës.

“Nëse nuk përfundon procesi deri në prill mund të lë shije të paknaqësisë ose të mosbindjes amo mos kënaqjes së pritjeve legjitime të qytetarëve që reflekton në besimin e qytetarëve e në sistemin e drejtësisë”.

Për të parë se si linden dyshimet e familjes për ndërhyrje në sistemin e drejtësisë ndiqeni videon në vazhdim: