Sindikata e Pavarur e Minatorëve kërkon nga Menaxhmenti i Trepçës që të paguaj rreth 80 mijë euro obligime që ka ndaj sindikatës së minatorëve. Në reagimin e sindikatës thuhet se ndalesa e kuotizmit është një formë tjetër shantazhi që menaxhmenti po bënë, me qëllim të zhbërjes së kësaj sindikate.

“Të nderuar Minator janë bërë tani e sa vite që Menaxhmenti i Ndermarrjes Trepça Sh.A e pengon aktivitetin sindikal të Sindikatës së Minatoreve të Kosovës në forma të ndryshme, duke filluar nga përndjekjet, shantzhet, presionet, kërcënimet, suspendimet, largimet nga puna etj. Një formë tjetër pengimit të veprimit sindikal dhe përpjekjes për të zhbër sindikaten është ndalesa e kuotizimit apo antarësis sindikale. Duke penguar dhe pamundësuar aktivitetin sindikal vazhdimisht. Si rezultat i mostransferimit të këtyre mjeteve për disa vite obligimi tanimë duhet të jetë rreth 80.000 mij euro. E tmerrshme. Këto janë mjete të cilat ne i paguajm nga paga jonë, me djersen e ballit dhe të njejtat nuk na i transferojnë në llogarin sindiakle. Me tendencen e vetme përndjekjen e sindikalistëve, largimin e tyre nga sindikata dhe njëherit zhbërjen e saj”, thuhet në reagim.

Sindikata po ashtu i ka bërë thirrje menaxhmentit që shuma prej 80 mijë euro të pëaguhet në afatin një javor, ndryshe do të merren të gjitha hapat deomoratik për realizimin e kësaj të drejte.

“Turpi ju mbuloft. Ju se keni iden se çka është as demokratike e as ligjore. Por ta dini se Trepça nuk është pronë e bordit e as e një menaxhmenti total të padijshem. Trepça Sh.A parasëgjithash është e minatorëve dhe qytetarëve, e keshtu do të mbetet gjithmonë. Ne ju njoftojm dhe bëjmë thirrje që nëse brenda afatit një javor nuk paguhet vlera e plotë e kuotizimit sindikal (që është paguar nga djersa jonë/ nga gjepi ynë/nga kafashata e familjeve tonë), ne do të ndermarrim të gjithë hapat demokratik për të realizuar këtë të drejtë”, thuhet në reagimin e sindikatës.