Shefi i deputetëve të Aleancës për Ardhmërinë e Kosovës, Besnik Tahiri, ka reaguar lidhur me deklaratën e Ministrit Murati se në vitin e ardhshëm, paga mesatare në sektorin publik të jetë rreth 780 euro.

Tahiri ka thënë se Qeveria e Kosovës po tallet me punëtorët e sektorit publik, dhe sipas tij, me buxhetin e ri, i bie që të ketë ngritje të koeficientit për pesë euro.

Tahiri thotë se një kategorie të made i bie që të kenë 30 deri në 80 euro të hyra mujore më shumë.

Sipas tij, duke e ditur shkallën e inflacionit, kjo rritje është “mshtrim”.

“Qeveria vazhdon të tallet me nëpunësit publik. Me buxhetin e ri, i bie të kemi një ngritje të koeficientit për pesë euro. Në total, një shumice dërrmuese të kategorive buxhetore i bie të kenë 30 deri në 80 euro më shumë të hyra mujore. Duke ditë inflacionin kjo nuk është rritje reale nominale. Thënë ndryshe qeveria nominalisht rritë pagat, por realisht mashtron!”, ka shkruar ai.