Në Kroaci është ngritur aktakuzë kundër Robert Matalin (37) dhe të dashurës së tij Doris Gregorina (22), të cilët akuzohen se kanë zhvatur shumë para nga njerëzit duke gënjyer për sëmundjen e Robertit.

Ky është një rast i njohur nga Kroacia, i vitit 2018, ku Doris ka nisur një fushatë humanitare për mbledhjen e ndihmave për Robertin.

Dyshja shpikën se Roberti vuante nga leukemia dhe se i duheshin 770,000 kuna kroate për një transplant të palcës së eshtrave, transmeton Telegrafi.

Disa qindra njerëz, kompani dhe institucione u tronditën pas kësaj historie. Para ka paguar edhe futbollisti i njohur Vedran Qorluka, si dhe trajneri i kombëtares kroate, Zlatko Daliq.

Nga hetimet rezultoi se ata kanë grumbulluar gjithsej rreth 31 mijë euro dhe me ato para kanë blerë një veturë të re.

Volkswagen Golf shtatë. Këtë e ka konfirmuar një këshilltar në Komunën e Dubravicës, vend pikërisht në kufirin kroato-hungarez. Ata janë gjetur në pikën e karburantit me atë veturë.